Տնային դեպիլյացիա՝ մեղրամոմեր և խառնուրդներ

Ամառային օրերի գալստյան հետ հնարավոր չէ շրջանցել դեպիլյացիայի թեման: Ձգտելով գրավիչ տեսք ունենալ՝ յուրաքանչյուր կին փորձում է մի քանի մեթոդ: Դեպիլյացիայի բոլոր առկա միջոցներից մազերի հեռացումը մեղրամոմի օգնությամբ ամենահայտնիներից է: Մեղրամոմային դեպիլյացիայի անցկացումը հնարավոր է ինչպես գեղեցկության սրահի պայմաններում, այնպես էլ տանը, որը մեթոդիկայի ևս մեկ արժանիք է: Բացի այդ, պրոցեդուրայի համար խառնուրդը  կարելի է պատրաստել ինքնուրույն՝ այդ կերպ նշանակալիորեն տնտեսելով:

Մեղրամոմային դեպիլյացիայի համար կոսմետիկ միջոցները խանութից կամ դեղատնից բավականաչափ թանկ են, այնուամենայնիվ, նրանք մեծ պահաջարկ են վայելում՝ շնորհիվ մազերի հեռացման այլ միջոցների հանդեպ ծանրակշիռ առավելությունների: Պրոցեդուրայից հետո մազերը չեն աճում 2-3 շաբաթ (որոշ դեպքերում՝ անգամ ավելի), մաշկը դառնում է փափուկ և էլաստիկ, վերնամաշկի եղջերացած բջիջների միաժամանակյա հեռացման շնորհիվ մազիկները ժամանակի ընթացքում դառնում են ավելի բարակ և մշտական դեպիլյացիայի դեպքում նկատելիորեն նվազում են: 

Իհարկե, մեղրամոմային դեպիլյացիան ունի նաև իր թերությունները: Մազերը հավերժ չեն հեռացվում, այլ ժամանակավորապես: Պրոցեդուրան բավականին ցավոտ է (խնդիրը լուծվում է տեղային անզգայացնող միջոցների կիրառմամբ՝ դեպիլյացիան անցկացնելուց մի քանի րոպե առաջ): Դրանից բացի կան նաև նրա կիրառման բժշկական հակացուցումներ, օրինակ, ոտքերի երակների վարիկոզային լայնացումը: Դեպիլյացիայի նման տեսակը խորհուրդ չի տրվում մաշկի բարձր զգայունություն և ալերգիկ հակվածություն ունեցող կանանց: 

Այնուամենայնիվ, տեղյակ եղեք մազերի տնային հեռացման որոշ բաղադրատոմսերի, որոնցից մեկը բնական մոմերի հիման վրա մեղրամոմային դեպիլյացիայի համար խառնուրդի օրինակ է:  

Բաղադրատոմսերով կարելի է սպառազինվել որոշ պարագաներում, երբ խիստ անհրաժեշտ է երկար ժամանակով հարթություն պահպանել ոտքերի վրա: Չպետք է մոռանալ, որ նշյալ պրոցեդուրան չպետք է անցկացնել անմիջականորեն որևէ նշանակալի իրադարձությունից առաջ, երբ պետք է ցուցադրել ոտքերի գեղեցկությունը: Ավելի լավ է դա անել նախօրեին կամ երկու օր առաջ:

Տնային օգտագործման համար նախատեսված միացությունները պատրաստվում են բնական բաղադրամասերի հիման վրա՝ շաքարավազ, մեղր, կիտրոն, ջուր, մեղրամոմ, կարնաուբյան մեղրամոմ, գերչակի ձեթ, լանոլին և այլն: 

Միանգամայն հավանական է, որ մեղրամոմի կիառման առաջին փորձերը անհաջող լինեն: Լավ արդյունքի համար պետք է գտնել օպտիմալ ջերմաստիճան, այլապես կարելի է մաշկի այրվածք ստանալ: Կարևոր է ստացվող խառնուրդի տեքստուրան, քանի որ հակառակ դեպքում մազերը կարող են մնալ տեղում (խառնուրդի ոչ բավարար կպչունության դեպքում), ավելին, հնարավոր է նաև նրանց աճի խթանման արդյունք (քանի որ որոշ բաղադրամասեր ունեն սնուցող հատկություններ): Հենց այդ պատճառով սկզբում պետք է փորձարկել մեղրամոմի արդյունավետությունը մաշկի որոշակի հատվածի վրա: 

Եթե խառնուրդները ճիշտ են պատրաստված, պրոցեդուրան դեպիլյացիայի բոլոր կանոններով (քսել մազերի աճի ուղղությամբ, այն դուրս բերել մազերի աճին հակառակ ուղղությամբ, հարմարավետության համար  օգտագործել կտորե կամ թղթե շերտեր և այլն) պետք է հանգեցնի լավ արդյունքի: Բացի այդ, կիառելով տնային դեպիլյացիայի մեթոդները, կարելի է նշանակալիորեն տնտեսել ժամանակն ու փողերը:

Հարցեր, պատասխաններ, մեկնաբանություններ